özbékistanda roza héyt munasiwiti bilen 65 mehbus kechürüm qilindi

türkiye awazi radiyosi xewiri: özbékistan pirézidéntliq mehkimisi axbarat ishxanisining bayanatigha asaslanghanda, mirziyoyéw jinayitige pushayman qilghan we jezmen eslige kélish yolida mangghan mehbuslarni roza héyt munasiwiti bilen kechürüm qilish qararnamisigha imza qoyghan.

jemiy 65 mehbus behrimen bolidighan kechürüm qilish dairiside, 41 mehbus qoyup bérilip, 24 mehbusning jaza mudditi qisqartilghanliqi, qoyup bérilgen mehbuslar ichide 3 neper qanunsiz teshkilat ezasi, 3 neper 60 yashtin yuqiri mehbus we yene 3 neper ayal we 1 chetellikning barliqi bildürüldi.

qararanamigha binaen kechürüm qilinghan mehbuslarning jemiyetke maslishishi üchün munasiwetlik ministirliq we dölet organlirigha wezipe tapshuruldi.

özbékistanda aldinqi qétim newroz bayrimi munasiwiti bilen pirézidént shewket mirziyoyéw imzalighan qararname  arqiliq 75 mehbus kechürüm qilinghan idi.

özbékistanda diniy we dölet bayramliri munasiwiti bilen pirézidént teripidin «jinayitige pushayman qilghan we eslige kélish yolida mangghan» mehbuslar üchün pat pat  kechürümname élan qilinip turidu.