bosniye-gértségowinada qirghin qilinghan 3 kishining jesiti tépildi
bosniye-gértségowinaning mostar shehiridiki kolléktip mazarliqtin bosniye urushida qirghin qilinghan 3 kishining jesiti tépildi.
türkiye awazi radiyosi xewiri: bosniye-gértségowina teptish mehkimisining bayanatida, mostargha yéqin miljkowich rayonidin 3 kishining jesitining tépilghanliqi bildürüldi.
bosniye-gértségowina teptish mehkimisi urush jinayiti bölümining bir mupettishi kolléktip mazarliqtin jesetlerni chiqirish xizmitining maslashturush we bixeterlik tedbirliri astida élip bérilghanliqini bildürdi.
kolléktip mazarliqtin qézip chiqirilghan qurbanlargha tewe söngeklerning DNA tekshürülüshige yollanghanliqi we ularning kimlikining éniqlinidighanliqi uqturuldi.
1992-yili 1-martta bashlanghan bosniye urushi, 1995-yili 12- dékabirghiche dawamlashqan idi.
üch yildin köprek dawamlashqan bu urushta 100 mingdin artuq kishi jénidin ayrilghan we texminen 2 milyon kishi köchüshke mejbur bolghan idi.
مۇناسىۋەتلىك خەۋەرلەر
shiwéytsariyede türk heptiliki paaliyiti ötküzülmekte
shiwéytsariyening jenwe shehiride türk heptiliki paaliyiti ötküzülmekte.
