qazaqistanda masimow qolgha élindi

türkiye awazi radiyosi xewiri: qazaqistan dölet bixeterlik komitétining bildürüshiche, komitét teripidin 6-yanwar küni qazaqistan jumhuriyiti jinayi ishlar qanunining xiyanetchilik maddisigha asasen tekshürüsh bashlanghan, bu dairide, komitétning sabiq reisi kerim masimow, bashqa shexsler bilen birlikte xiyanetchilik jinayiti bilen qolgha élinip, waqitliq tutup turush ornigha qamalghan.

2016 – yili wezipige teyinlengen kerim masimow, suyuqlandurulghan tebiiy gaz bahasining ösüp kétishi bilen bashlanghan, kéyinche dairisi döletning gherbi we jenubidiki sheherlerge kéngiyip ketken namayishlar tüpeyli, 6 – yanwar küni qazaqistan pirézidénti qasim jömert toqayéwning qararigha asasen, dölet bixeterlik komitétining reislik wezipisidin qaldurulghanidi.

qazaqistanning sabiq pirézidénti nursultan nezerbayéwning jiyeni semet abishmu, dölet bixeterlik komitétining muawin reislik wezipisidin élip tashlanghanidi.

bu ariliqta, ichki ishlar ministirliqi teripidin élan qilinghan bayanatta bildürülüshiche, 2-yanwar yéqilghu may bahasining östürülüshidin kéyin partlighan weqelerde, bashqa dölet puqralirinimu öz ichige alghan 4266 kishi qolgha élindi.