erméniye rayon hemkarliqi bilen qanunsiz we asassiz zémin telepliridin birni tallishi kérek

türkiye awazi radiyosi xewiri: ezerbeyjan tashqi ishlar ministirliqi qarabagh zepirining birinchi yilliqi munasiwiti bilen xitabname élan qildi.

xitabnamede, erméniyening barghanséri kücheygen hujumliri we ighwagerchilikige qarshi 2020-yili 27-séntebirde bashlinip 44 kün dawamlashqan «weten urushi» netijiside, ezerbeyjanning zéminlirini ishghaliyettin qutquzghanliqi xatirilitildi.

xitabnamede, b d t xewpsizlik kéngishining munasiwetlik qararliri we bashqa xelqaraliq teshkilatlarning qararlirigha uyghun halda ezerbeyjanning zémin pütünlükining we texminen 1 milyon ezerbeyjanliq köchmenning ana yurtlirida yashash hoquqining kapaletke ige qilinghanliqi qeyt qilindi.

xitabnamede, 2020-yili 10-noyabir ezerbeyjan, rusiye we erméniye rehberlirining imzalighan xitabname bilen erméniyening meghlubiyitini qobul qilghanliqi؛ kelbejer, aghdam we lachin wilayetliridin eskerlirini chékindürgenliki؛ buning bilen, mesilining herbiy we siyasiy yollar bilen hel qilinghanliqi eskertildi.

xitabnamede yene, erméniyening texminen 30 yilliq urushqaq siyasiti, xelqara qanungha qilghan xilapliqliri we urush jinayetliri sewebidin sotqa tartilishi üchün ezerbeyjanning zörür qedemlerni tashlghanliqi hemde bu musapining dawamlishiwatqanliqi qeyt qilindi.

xitabnamede, jinayetchilerning jazagha tartilishi, adaletning kapaletke ige qilinishi we kelgüside bu xil ehwallarning tekrar yüz bérishining aldini élish üchün éytqanda muhim ehmiyetke ige ikenliki tekitlinish bilen birge mundaq déyildi:

«ishghal amilini otturidin yoq qilghan ezerbeyjan, xelqaraliq qanun pirinsiplirigha, bolupmu igilik hoquq, zémin pütünlüki we xelqaraliq chégralarning dexli-teruzgha uchrimaydighan pirinsiplargha qetiy emel qilish sherti astida erméniye bilen munasiwetlerni normallashturushqa teyyar. rayonning tinchliqi we bixeterlikige kapaletlik qilish üchün üch terep xitabnamesini toluq yolgha qoyush intayin muhim. erméniyening ezerbeyjanning bu toghrida basqan qedemlirige jawab bérishi kütülmekte. erméniye choqum rayon hemkarliqi bilen qoshnilirigha qarshi qanunsiz we asassiz zémin telepliridin birni tallishi kérek. xelqara jemiyet bu jehette aktip rol oynishi we erméniyeni tinchliqtin bashqa tallashning yoqluqini chüshinishke chaqirishi kérek. erméniyediki öch élish xahishi we bu döletning qorallinishigha biwasite yaki wasitilik qollash urunushliri axirlishishi kérek.»