mirziyoyéw qesem bérip wezipe öteshke bashlidi

türkiye awazi radiyosi xewiri: özbékistan parlaméntining töwen qaniti bolghan qanun chiqirish mejlisi we parlaméntning yuqiri qaniti bolghan  kéngesh palatasi uyushturghan ortaq omumiy kéngesh yighinida, mirziyoyéw üchün murasim ötküzüldi.

murasimgha, hökümet ezaliri, dölet organlirining bashliqliri, diplomatik wakaletxanilarning wekilliri we zhurnalistlar qatnashti.

merkiziy saylam komitétining reisi zeyniddin nizamxojayéw, murasimda qilghan sözide, pirézidént saylimida dölet miqyasida jemiy 16 milyon 212 ming 343 saylighuchining bélet tashlighanliqini, saylamgha qatnishish nisbitining% 80.4 bolghanliqini qeyt qildi. hemde  besh namzat riqabetleshken pirézidént saylimida, erkin démokratlar partiyesi teripidin yene bir qétim namzatliqqa körsitilgen shewket mirziyoyéwning % 80.12 awazgha ériship, ghelibe qilghanliqini bildürüp, pirézidéntliq ispatnamesi we saylamda ghelibe qilghanliqi toghrisidiki höjjetni mirziyoyéwgha tapshurup berdi.

qesem bérish murasimidin kéyin nutuq sözligen mirziyoyéw,  qayta saylanghanliqi seweblik özbékistan xelqige rehmet éytti, hemde saylamda ghelbe qilishining, yolgha qoyuluwatqan siyasetning xelq teripidin qobul qilinghanliqining we özliri tallighan yolning toghra ikenlikining ipadisi ikenlikini tekitlep mundaq dédi: «özbékistan pirézidénti bolup saylinishimni, yéngi özbékistan qurush yolidiki siyasitimizning qizghin qarshi élinishi süpitide qobul qilimen.»