türkiye - qazaqistan soda omumiy sommisi 30 yilda 15 hesse ashti

türkiye awazi radiyosi xewiri: bakt sultanow kéler yili ikki dölet diplomatik munasiwet ornitilghanliqining 30 - yilliqini tebrikleydighanliqini eskertip, ikki dölet soda munasiwetlirining ijabiy tereqqiyat bilen ilgirilewatqanliqini bildürdi.

bakt sultanow 1990-yillarning béshida ikki dölet otturisidiki soda miqdarining 200 milyon dollar etrapida ikenlikini eskertip, «ikki döletning soda miqdari 30 yilda 15 hesse ashti. hazir türkiye dölitimizning aldinqi qatardiki 10 soda shérikining birsi» dédi.

bakt sultanow bu yil 1-aydin 6-ayghiche bolghan ariliqta, soda miqdarining aldinqi yilining oxshash mezgilige sélishturghanda %5.3 éship, 1 milyard 788 milyon dollargha yetkenlikini bildürdi.

bakt sultanow ortaq nishanning qisqa muddet ichide soda miqdarini 5 milyard dollargha, uzun muddet ichide 10 milyard dollargha yetküzüsh ikenlikini tekitlidi.

bakt sultanow: «öz-ara sodidiki tamozhna béji we téxnikiliq tosalghularni tügitish üchün hazir qazaqistan-türkiye xizmet guruppisi quruldi. biz bu guruppining tunji yighinining bu yil ötküzülidighanliqini mölcherlimektimiz» dédi.