qirim munbiri bashliqlar yighinigha qatnishidighan döletlerning sani37 ge yetti
ukraina tashqi ishlar ministiri dimitro kuléba qirim munbiri bashliqlar yighinigha qatnishidighan döletler sanining 37 ge yetkenlikini élan qildi.
türkiye awazi radiyosi xewiri: dimitro kuléba tiwittérdiki yazmisida, yawropadin yene 3 döletning qirim munbiri bashliqlar yighinigha qatnishidighanliqini jezmleshtürdi.
dimitro kuléba yighingha qatnishishi testiqlanghan döletlerning omumiy sani 37 ge yetkenlikini tekitlep: «xelqaraning bu munber yighinigha bolghan qollishi künséri küchiyiwatidu, biz téximu köp testiqlarning kélishini töt közimiz bilen kütmektimiz» dédi.
23 -awghustta ukrainaning paytexti kiyéwda ötküzülidighan qirim munbiri bashliqlar yighini rusiyening qirimni qanunsiz qoshuwalghanliqini xelqaraning kün tertipige élip kélishni meqset qilidu.
dölet reisliri, diplomatiye ministirliri, parlamént ezaliri we mutexessislerdin ibaret töt qatlamdin terkib tapqan bu munber yighini dairiside, qirimning qoshuwélinishini étirap qilmasliq, azak we qara déngiz rayonlirini qorallandurush, qirimni qaytidin teshkillesh we qirim tatar türklirining heq - hoquqliri üchün tölem tölesh qatarliq mesililer toghrisida 4 guruppa muzakire yighini ötküzilidu.
مۇناسىۋەتلىك خەۋەرلەر
ezerbeyjanda 5.2 bal yer tewridi
ezerbeyjan yer tewresh mulazimet merkizi yer tewresh heqqide bayanat élan qildi.
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.