erdoghan türk kéngishi yighinida shusha shehirini ziyaret qilish pilanini élan qildi
türkiye jumhur reisi rejep tayyip erdoghan ezerbeyjanning erméniye ishghaliyitidin azad qilinghan shusha shehirini ziyaret qilishni pilanlighanliqini bildürdi.
türkiye awazi radiyosi xewiri: jumhur reis rejep tayyip erdoghan ezerbeyjanning erméniye ishghaliyitidin azad qilinghan shusha shehirini ziyaret qilishni pilan qilghanliqini bildürüp: «roza héyttin (13-15-may) kéyin shushani ziyaret qilip, u yerde yéngi héyt ötküzüshni ümid qilimiz» dédi.
rejep tayyip erdoghan türk kéngishi dölet bashliqliri yighinigha, istanbuldin sinliq qatnashti.
u: «dunya duch kelgen özgirishler, türk kéngishigha oxshash hemkarliq teshkilatlirining ehmiyitini téximu östüridu. 12 yilliq musapide sistémilishishni axirlashturghan türk kéngishining xelqaraliq étibari yuqiri. emdi kéngishimizni xelqaraliq teshkilat süpitide atashning waqtining kelgenlikige ishinimen» dédi.
u sözini mundaq dawamlashturdi:
«eziz qérindishim ezerbeyjan pirézidénti ilham eliyéwni we barliq ezerbeyjanliq qérindashlirimni taghliq qarabaghdiki zeperliri üchün yene bir qétim tebrikleymen. taghliq qarabaghdiki türk yadikarliqlirining qoghdilishi we qayta qurulushi üchün barliq imkaniyitimiz bilen ezerbeyjanni dawamliq qollishimiz muhim ehmiyetke ige. eng qisqa waqit ichide, yeni roza héyttin kéyin shushani ziyaret qilip, u yerde yéngi héyt ötküzüshni ümid qilimiz.»
u qibris mesilisi üstidimu toxtaldi we: «küchimizni birleshtürüp, qibris türklirini layiq bolghan orungha ige qilidighanliqimizgha ishinimen» dédi.
u türk kéngishining 8-nöwetlik rehberler yighinining, wuxen wirusi (Kovid-19) shertlirige esasen 2021-yili 12-noyabir istanbulda ötkü zülüshini ümid qilidighanliqlirini bildürdi.
مۇناسىۋەتلىك خەۋەرلەر
ezerbeyjanda 5.2 bal yer tewridi
ezerbeyjan yer tewresh mulazimet merkizi yer tewresh heqqide bayanat élan qildi.
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.