taghliq qarabaghda türkiye – rusiye közitish merkizining paaliyetliri dawamlashmaqta
ezerbeyjan erméniyening ishghaliyitidin azad qilghan taghliq qarabaghda urush toxtitish kélishimining ijra qilinish ehwalini közitish meqsitide qurulghan türkiye – rusiye ortaq közitish merkizining paaliyetliri dawamlashmaqta.
türkiye awazi radiyosi xewiri: merkezdiki eskerler uchquchisiz hawa apparatlirining wasitisi arqiliq süretke élinghan widéolarni birlikte közitip, urush toxtitish kélishimige riaye qilinip qilinmighanliqini közetmekte.
4 géktarliq sahege qurulghan 65 seyyare turmush we mulazimet rayoni jaylashqan merkezde, uchquchisiz hawa apparatliri xadimlirinimu öz ichige alghan 60 türkiye we 60 rusiye eskiri wezipe ötimekte.
bu merkezning bixeterlikige ezerbeyjan eskerliri kapaletlik qilmaqta.
ezerbeyjan armiyesi 2020 – yili 27 – séntebir küni qozghighan herbiy heriket dawamida, 5 sheher merkizi, 4 yéza-bazar we 286 yéza azad qilinghandin kéyin, erméniye 10-noyabir küni meghlubiyitini qobul qilghan, hemde ishghal astidiki aghdam, lachin we kelbejer wilayetlirinimu boshitish ehdi qilinghan bayannamini imzalighanidi.
bayannamide, tereplerning urush toxtitishqa maslishishini kontrol qilishning ünümini ashurush üchün közitish merkizi qurush qararlashturghanidi.
türkiye – rusiye ortaq közitish merkizige munasiwetlik kélishim layihesi, 2020-yili, 11-noyabir küni dölet mudapie ministiri xulusi aqar bilen rusiye dölet mudapie ministiri sérgéy shoygu teripidin imzalanghanidi.
merkezning échilishi, ezerbeyjan dölet mudapie ministiri zakir hesenow, türkiye dölet mudapie ministiri yardemchisi yunus emre qaraismailoghlu we rusiye dölet mudapie ministiri yardemchisi aléksandir fomining ishtirak qilishida 30 – yanwar ishqa ashurulghanidi.
مۇناسىۋەتلىك خەۋەرلەر
ezerbeyjanda 5.2 bal yer tewridi
ezerbeyjan yer tewresh mulazimet merkizi yer tewresh heqqide bayanat élan qildi.
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.