qirghizistanda sadir japparwoning hökümiti tarqaldi

türkiye awazi radiyosi xewiri: qirghizistan pirézidéntliq mehkimisining axbarat merkizi élan qilghan bayanatta, sadir japparowning bash ministirliq wezipisidin istépa bergenliki, uning 28-yanwar (2021) pirézidéntliq hoquqini resmiy ötküzüwalidighanliqi bildürüldi.

bayanatta, qirghizistan parlaméntining bashliqi talant mamitowning kabént ezalirining istépasini qobul qilghanliqi we yéngi hökümet qurulghiche birinchi muawin bash ministir artem nowikowning bashchiliqidiki waqitliq hökümetning wezipisini dawamlashturidighanliqi eskertildi.

bayanatta yene, pirézidéntliqqa saylanghan sadir japparowning 28-yanwar bishkektiki chong konsért zalida qesem bérip wezipe tapshuruwalidighanliqi qeyt qilindi.

qirghizistanda 2020-yili 4-öktebir ötküzülgen parlamént saylimini emeldin qaldurushni telep qilghan öktichilerning  5-öktebir ötküzgen namayishliri zorawanliqqa aylanghan we pirézidéntliq mehkimisi bilen parlamént binasi bésilghan idi.  shu küni türmidin chiqirilip «waqitliq bash ministir» dep élan qilinghan we ata yurt partiyesining parlamént ezasi sadir japparowning bash ministirliqi we ichki kabénti, 2020-yili 10-öktebir testiqlanghan idi.

qirghizistanni üch yil bashqurghan pirézidént soronbay jeinbékow  istépa bergendin kéyin, pirézidént namzati bolghan sadir japparow, bügün (2021-yili 21-yanwar) bash ministirliq wezipisidin resmiy istépa berdi.

u 10-yanwar muddettin burun ötküzülgen pirézidéntliq saylimida %79.20 awazgha ériship, pirézidéntliqqa saylanghan idi.