eliyéw gubadli shehirini ékskursiye qildi

türkiye awazi radiyosi xewiri: pirézidént ilham eliyéwning ayali méhriban eliyéwaning Instagram diki adrésida hembehriligen sin körünüshliri we foto – süretlerge qarighanda, pirézidént eliyéw özi heydighan aptomobil bilen sheherni ékskursiye qilghan.

körünüshlerge asaslanghanda ilham eliyéw, yol boyidiki weyran qiliwétilgen barliq yéza – kentlerning erméniye armiyesining buzghunchiliqining mehsuli ikenlikini bildürgen.

«ikkinchi dunya urushida fashistlarmu bundaq wehshiylikni sadir qilmighan idi» dégen eliyéw sözini dawamlashturup, «bizning qandaq bir düshmenge qarshi jeng qilghanliqimizgha qaranglar. rayonimizni, kawkazni fashistlardin azad qilduq. biz bu kentlerning hemmisini qayta qurup chiqimiz. düshmen qilmishliri üchün jawabkarliqqa tartilidu. barliq tarixiy we diniy yadikarliqlirimiz düshmen teripidin weyran qilindi. dunya buni körüshi kérek» dégenlerni qeyt qilghan.

ijtimaiy alaqe torida hembehrilengen yene bir körünüshke qarighanda, ilham eliyéw gubadlidiki eskerler bilen körüshken we u yerde söz qilip: «eskerlirimizning qehrimanliqi sayisida zéminlirimizni azad qilduq. qarabagh – ezerbeyjandur» dégen, eskerlermu pirézidént eliyéwni qizghin alqishlighan.