ezerbeyjan türkiyeni qollash meydanini namayan qildi
ezerbeyjan pirézidénti ilham eliyéw: «amérikaning türkiyege qarshi chiqarghan ‹S-400› émbargo qararini ‹qobul qilghili bolmaydu›, ‹adaletsizlik› we ‹qanungha xilapliq qilishning bir körsetküchi›» dep atidi.
türkiye awazi radiyosi xewiri: ezerbeyjan pirézidénti ilham eliyéwning meslihetchisi hikmet hajiyéw amérikaning türkiyege qarshi chiqarghan émbargo qarari toghrisida yazma bayanat élan qildi.
bayanatta töwendiki ipadilerge orun ajritildi:
«pirézidént ilham eliyéw türkiyege qarshi bir tereplimilik halda chiqarghan émbargolarni qobul qilghili bolmaydu dep qaraydu. natogha eza bezi döletler oxshash hawa mudapie qalqan sistémisini ishlitiwatqan waqitta, türkiyege qarshi émbargo yürgüzüsh adaletsizlik hésablinidu. pirézidént ilham eliyéw bu ehwalni qosh ölchem we qanungha xilapliq qilishning bir körsetküchi dep qaraydu.
pirézidént ilham eliyéw émbargolarning türkiyening mudapie qabiliyitini kücheytish qedemlirini tosup qalalmaydighanliqigha ishinidighanliqini bildürdi. türkiyening mezkur mesilini munasiwetlik guruppa dairiside obyéktip muzakire qilish teklipliri jawabqa érishelmidi.»
u ezerbeyjanning türkiyeni, türkiyeningmu ezerbeyjanni qollighanliqini, her ikki döletning her daim bir-birini qollap kelgenlikini eskertip, 10-dékabir (2020) paytext bakuda ötküzülgen zeper parati murasimigha rejep tayyip erdoghanning ishtirak qilghanliqining, bu ittipaqliqning misali ikenlikini qeyt qildi.
amérika türkiyening rusiyedin «S-400» hawa qalqan mudapie sistémiliri sétiwalghanliqi sewebidin türkiyege qarshi bezi émbargolarni yürgüzüshni qarar qilghan idi.
مۇناسىۋەتلىك خەۋەرلەر
shiwéytsariyede türk heptiliki paaliyiti ötküzülmekte
shiwéytsariyening jenwe shehiride türk heptiliki paaliyiti ötküzülmekte.
