ezerbeyjanda 10 - noyabir küni «zeper bayrimi» élan qilindi

türkiye awazi radiyosi xewiri: ezerbeyjan pirézidéntliq mehkimisi bayanat élan qilip, pirézidént ilham eliyéwning 10 – noyabir künining «zeper bayrimi» élan qilinishi we bü künni her yili tebriklesh toghrisida qarar maqullighanliqini uqturdi.

eliyéw yene ezerbeyjan armiyesining ishghal astidiki zéminlarni azad qilish herbiy herikiti bashlanghan 27 – séntebirni «shéhitlerni xatirilesh bayrimi» dep békitti.

ezerbeyjan armiyesining 44 kün dawamlashqan herbiy herikiti netijiside besh sheher merkizi, töt bazar we 286 yéza azad qilinghandin kéyin, erméniye meghlubiyitini étirap qilghanidi.

erméniyening ishghali astidiki aghdam, lachin we kelbejer wilayetliridinmu chékinidighanliqini mezmun qilghan kélishim 10 – noyabirda imzalanghanidi.

paytext bakuda ezerbeyjan armiyesi qolgha keltürgen ghelibe munasiwiti bilen herbiylerning parattin ötüsh murasimi ötküzülidu.

bakuning dangliq azadliq meydanida ötküzülidighan murasimda ezerbeyjan armiyesining erméniye armiyesidin olja alghan bironiwék we bashqa qorallar körgezme qilinidu. murasimning waqti toghrisida téxi resmiy bayanat élan qilinmidi.