erméniye kelbejerdin chékindi

türkiye awazi radiyosi xewiri: erméniye, ezerbeyjan we rusiye bilen taghliq qarabaghda 44 kün dawamlashqan toqunushlargha xatime bérish üchün imzalighan kélishimning rohigha asasen ezerbeyjanning kelbejer nahiyesidin chékindi.

kélishimning 6- maddisi dairiside, erméniyening kelbejerdin chékinishi üchün 15 – noyabirghiche, lachindin chékinishi üchün 1 – dékabirghiche möhlet bérilgenidi.

yene bir tereptin, ezerbeyjan armiyesi ishghaldin azad qilghan taghliq qarabaghning simwolluq shehiri shushada aridin 28 yil ötkendin kéyin eza awazi yangridi.

ijtimaiy taratqularda shushadiki tarixiy yuqiri jewher agha jamesining munarigha chiqqan bir ezerbeyjan eskirining ezan oquwatqan körünüshliri tarqaldi.

ezerbeyjanning tarix we kültürining simwolliridin biri bolghandin bashqa, hem rayonning jughrapiyelik orni hem taghliq qarabaghning eng chong shehiri xankendige tutishidighan yol boyigha jaylashqan istratégiyelik ehmiyetke shusha, 1992-yili 5-ayning 8-küni erméniye armiyesi teripidin ishghal qiliwélinghanidi.

ezerbeyjan pirézidénti ilham eliyéw 8- noyabir shushaning azad qilinghanliqini dunyagha jakarlighanidi.