ukraina siyasiyonliri taghliq qarabagh mesilide ezerbeyjanni qollidi

türkiye awazi radiyosi xewiri: ukraina parlaménti ezasi rustem ömerow anadolu agéntliqigha bergen bayanatida, «ukraina döliti taghliq qarabaghni ezerbeyjanning ayrilmas bir parchisi dep qaobul qilidu. xelqara jemaetmu erméniyening taghliq qarabaghdiki mewjutluqini ishghaliyet dep qaraydu» dédi.

qirim tatar milliy mejlisining reisi réfat chubarowmu urushning ezerbeyjan zéminida dawamlishiwatqanliqini we ezerbeyjanning ishghal qilinghan zéminini azad qilish üchün 30 yildin buyan küresh qiliwatqanliqini éytti.

réfat chubarow  taghliq qarabaghda üch qétim urush toxtitish élan qilinghanliqini, biraq her qétimda 1 kündin artuq dawamlashmighanliqini eskertip, «menggülük urush toxtitish üchün erméniye choqum ezerbeyjan zéminidin eskerlirini chékindüridighanliqigha wede bérishi kérek» dédi.

urushni axirlashturush üchün tereplerning ezerbeyjanning zémin pütünlükige kapaletlik qilishi kéreklikini tekitligen réfat chubarow: «uningdin kéyin bu rayondiki erméniye az sanliqlirining ezerbeyjanliqlar bilen qandaq yashaydighanliqigha mas kélidighan formula tépilishi kérek, emma buning üchün aldi bilen urush toxtitilishi lazim we erméniye urushni toxtitish üchün eskerlirini chékindürüshi lazim». dédi.