ezerbeyjan muhim uchur - alaqe liniyelirini kontrol astigha aldi

türkiye awazi radiyosi xewiri: ezerbeyjan dölet mudapie ministirliqining bildürüshiche, herbiy heriketler, tün boyi, aghdere, xojawend, fuzuli, hadrut we gubadli yönilishliride türlük shekilde dawamlashqan. ezerbeyjan armiyesi, mudapie liniyesige top we minamyotlar arqiliq hujum qilghan erméniye küchlirige qayturma zerbe bérip, xodawend, hadrut we gubadli yönishliride éghir talapet yetküzgen. erméniye armiyesining qoral – yaragh, oq - dora we yéqilghu iskilatliri yer bilen yeksan qiliwétilgen, erméniye küchliri bir qisim jaylardin chékingen.

ezerbeyjan armiyesi, erméniye küchlirining birqanche yardem nuqtisini pachaqlap tashlighan, muhim uchur - alaqe liniyelirini kontrol astigha alghan, hemde istiratégiyelik ehmiyetke ige égizliklerni ishghaldin azad qilghan.

bayanatta tekitlinishiche, toqunushlar tün boyi dawamlashqan bolup, weziyet tamamen ezerbeyjan armiyesining kontrolluqida iken.