ezerbeyjan – erméniye otturisidiki toqunushlar 6 – künige qedem qoydi
ezerbeyjan armiyesi ishghal astidiki zéminlirini azad qilsh üchün qozghighan herbiy heriketning 6 – küni ilgirilesh hem erméniye küchlirige talapet yetküzüshni dawamlashturdi.
türkiye awazi radiyosi xewiri: tünügün kün boyi dawamlashqan toqunushlar, jebrayil – fuzuli we aghdere – terter tereplerge merkezleshti.
ezerbeyjan qisimliri, jebrayil – fuzuli yönilishide erméniye armiyesining tirkishishini yer bilen yeksan qilip, chékinishke mejbur qildi hemde dawamliq algha ilgiridi.
shiddetlik toqunushlargha sehne bolghan aghdere wilayitining madagiz rayonida, bir qisim istiratégiyelik égizliklikler ishghaldin azad qilindi. erméniye armiyesining, aghdere nahiyesidiki bashqa nuqtilirimu ezerbeyjan armiyesi teripidin qoyuq topqa tutuldi.
kün ichide erméniye armiyesining 5 bironéwiki we köp sanda eskiri, ezerbeyjan armiyesi teripidin bir terep qilindi. erméniye armiyesining sehra qarargahi bilen köp sandiki tankisi yer bilen yeksan qiliwétildi.
erméniye armiyesi, aghdam wilayitige qarashliq hindirqstam. elibeyli, ehmedaghali we seferli yézilirini, hemde guzanli yézisini qoyuq topqa tutti. puqralar arisida hayatidin ayrilghan we yarilanghanlar körüldi.
kün ichide eng shiddetlik hujum terter wilayitige élip bérildi. erméniye armiyesi, terter shehirige 2 mingdin artuq top oqi atti. terter wilayitining shiharq yézisimu erméniye eskerlirining top hujumlirining nishani boldi.
berdening soghanwerdiler we emirli yézilirini topqa tutqan erméniye armiyesi, shemkir wilayitining sabirkent yézisigha 10 gha yéqin «tochka – u» tipliq taktikiliq bashqurulidighan bombilarni atti.
ezerbeyjan armiyesi, 27 – séntebirdin 2 – öktebirgiche, erméniyening 230 tankisi we bironéwikini, 250 topi we bashqurulidighan bomba sistémisini, 10 qomandanliq ishtabi we közitish nuqtisini, 7 oq - dora iskilatini, 130 din artuq herbiy aptomobilini, hemde bir «300 - s» bashqurulidighan bomba mudapie sistémisini yer bilen yeksan qiliwetti.
aldinqi sep liniyesidiki toqunushlar, tün boyimu dawamlashti. ezerbeyjan armiyesi, erméniye armiyesining herbiy nuqtiliri we eslihelirige éghir talapet yetküzdi.
ezerbeyjan dölet mudapie ministirliqi tarqatqan widéolarda, erméniye armiyesige ait köp sanda bironéwikning yer bilen yeksan qiliwétilgen körünüshlirige orun bérildi.
pütkül aldinqi sep liniyeliride shiddetlik toqunushlar dawamlashmaqta.
