saxawetchi türk doxtur métin kulunk afghanistangha dadisi namidin mektep saldurup berdi
türk doxtur metin kulunkning dadisi abduraxman kulunk namidin yasitilghan bu mektepte 1500 oqughuchi oquyalaydu.
türkiye awazi radiyosi xewiri: saxawetchi türk doxtur métin kulunk afghanistanning shimalidiki juzdan ölkiside 1500 oqughuchi oquyalaydighan 16 sinipliq mektep saldurup, xizmetke kirishtürdi.
mektepning échilish murasimida juzdan muawin waliysi abdulqadir maliye söz qilip, afghanistanning tereqqiyati üchün maaripning muhimliqini we shunga balilarni mektepke bérishqa ilhamlandurush kéreklikini éytti.
muawin waliy abdulqadir maliye afghanistanning maaripi üchün bundaq yaxshi sélinmini royapqa chiqarghan metin kulunkqa rehmet éytti we bu mektepning rayon xelqining maarip éhtiyajini qanduridighanliqini bildürdi.
quyash yardemlishish we tereqqiyat jemiyiti reisi nur muhemmed qarizademu metin kulunkning dadisi abduraxman kulunk namidin yasitilghan bu mektepte uqush püttürgen oqughuchilarning türkiyede oqush yardimi bilen maaripini dawamlashturighimu yardem qilidighanliqini tekitlidi.
nur muhemmed qarizade özlirining bu mektepte zamaniwi tejribixana we kompyutér sinipi qurushni pilanlighanliqini bayan qilip, «abduraxman kulunk ottura mektipi»ning 150 ming dollargha pütkenlikini qeyt qildi.
nur muhemmed qarizade ikki qewetlik we 16 sinipliq bu mekteptin 1500 oqughuchining paydilinalaydighanliqini bildürdi.
shéir oqush bilen dawamlashqan murasim, lénta késish bilen axirlashti.
