özbékstan parlaméntining bashliqliri saylandi

türkiye awazi radiyosi xewiri: 2019-yili 22-dékabir omumiy saylam ötküzülgen özbékstanda, 150 ezadin teshkil tapqan parlaméntning töwen qaniti bolghan qanun chiqirish palatasining birinchi yighini échildi. merkiziy saylam komitétining bashliqi miraz ulughbék abdusalamowning riyasetchilikide toplanghan omumiy kéngeshke, pirézidént shewket mirzayéwmu qatnashti.

yighinda, siyasiy partiye rehberlirining ortaq qarari bilen, xelq démokrat partiyesidin nuriddinjan ismailow qaytidin qanun chiqirish palatasining bashliqi bolup saylandi.  qanun chiqirish palatasining bashqa yardemchilirimu saylandi.

pirézidént mirzayéw yighindiki sözide, özbékstanning musteqilliq yillirida qiyin mezgillerni bashtin kechürgenlikini xatirilitip, saylamlardin kéyin yéngi özbékstanning yéngi parlaméntining qurulghanliqini qeyt qildi.

parlamént ezalirining asasliq wezipisining xelqning telipi boyiche xizmet qilish we xelqni razi qilish ikenlikini eskertip, yéngi parlaméntqa muweppeqiyet tilidi.

özbékstanda ötken ay ötküzülgen omumiy saylamda 150 kishilik qanun chiqirish palatasida, libéral démokrat partiye 53, milliy yüksélish partiyesi 36, adalet sotsiyal partiyesi 24, xelq démokrat partiyesi 22 we özbékstan ékologiye partiyesi 15 orungha ige bolghan idi.

nuriddinjan ismailow 2014-yili dékabir ötküzülgen parlamént saylamliridin kéyin, qanun chiqirish palatasining bashliqliqigha saylanghan idi.