erdoghan ezerbeyjangha mangdi

türkiye awazi radiyosi xewiri: jumhur reis rejep tayyip erdoghan ata türk ayrodurumi dölet méhmansariyidiki axbarat élan qilish yighinidin kéyin, türkiye waqti saet 11:20 ötkende «TC-TUR» namliq mexsus ayropilan bilen bakugha qarap yolgha chiqti.

erdoghanni ayrodurumda, muawin jumhur reis fuat oktay, türkiye büyük millet mejlisi (parlaménti) pilan we xam chöt komitéti bashliqi shundaqla adalet we tereqqiyat partiyesining mersin parlamént ezasi lutfi elwan, adalet we tereqqiyat partiyesi muawin reisi jewdet yilmaz, adalet we tereqqiyat partiyesi enqere parlamént ezasi yalchin aqdoghan, adalet we tereqqiyat partiyesi istanbul parlamént ezasi ehmet hamdi jamli, istanbul waliysi eli yarikaya, adalet we tereqqiyat partiyesi istanbul wilayetlik shöbisi bashliqi bayram shenujaq we bashqa mesullar uzutup qoydi.

erdoghangha ezerbeyjan ziyaritide, repiqisi emine erdoghan, sanaet we téxnika ishliri ministiri mustafa warank, sehiye ministiri fexrittin koja, soda ministiri ruxsar pekjan, uchur - alaqe ishliri bashliqi fexrittin altun we jumhur reislik bayanachisi ibrahim kalin hemrah boldi.