تىنچلىق بۇلىقى ھەرىكىتى

مەقسەت خاتىرجەملىك
نىشان تېررورلۇق

türkiy tilida sözlishidighan döletler hemkarliq kéngishi paaliyitide muhim kélishim imzalandi

türkiye tashqi ishlar ministirliqi istiratégiyelik tetqiqat merkizi «SAM» bilen ezerbeyjan pirézidéntliqi xelqara munasiwetler analiz merkizi «AIR Center» otturisida hemkarliq kélishimi imzalandi.

türkiy tilida sözlishidighan döletler hemkarliq kéngishi paaliyitide muhim kélishim imzalandi

türkiye awazi radiyosi xewiri: ezerbeyjanning paytexti bakuda türkiy döletler otturisidiki hemkarliqning eng yuqiri derijilik orgini «türkiy tilida sözlishidighan döletler hemkarliq kéngishi» qurulushining asasi bolghan nahchiwan ehnamisi imzalanghanliqining 10yili munasiwiti bilen konférans ötküzüldi.

ezerbeyjan pirézidéntliqi xelqara munasiwetler analiz merkizi «AIR Center» teripidin ötküzülgen konféransqa ezerbeyjan muawin tashqi ishla ministiri ramiz hesenow, türkiy tilida sözlishidighan döletler parlamént ezaliri gewdisi «TÜRKPA» ning bash katibi altinbék mamayosufuw, türkiy télida sözlishidighan döletler hemkarliq kéngishi muawin bash katibi qismet gözélow, xelqara türk kültüri we mirasi fondi jemiyiti bashliqi gunay efendiyéwa, ezerbeyjan pirézidéntliqi xelqara munasiwetler analiz merkizi «AIR Center» ning bashliqi ferid shéfiyéw we nurghun sanda akadémiklar qatnashti.

qirghizistan, qazaqistan, özbékistan we wéngiriye istiratégiyelik tetqiqat merkezlirining mesulliri we wekillirimu qatnashqan konféransqa, türkiyege wakaliten türkiye tashqi ishlar rministirliqi istiratégiyelik tetqiqat merkizi «SAM» ning bashliqi doktor ufuf ulutash we türkiyening bakuda turushluq bash elchisi erkan özoral qatnashni.

konféransta, türkiy télida sözlishidighan döletler hemkarliq kéngishining qurulush bashquchi, bügünge qeder qolgha keltürülgen utuqlar, bu organning téximu küchlük halgha kélishi üchün qilishqa tégishlik xizmetler we nahchiwan ehdinamisining muhim ehmiyiti heqqide liksiyeler sunuldi.

paaliyet dairiside, türkiye tashqi ishlar ministirliqi istiratégiyelik tetqiqat merkizi «SAM» bilen ezerbeyjan pirézidéntliqi xelqara munasiwetler analiz merkizi «AIR Center» otturisida hemkarliq kélishimi imzalandi.

kélishimge türkiye tashqi ishla ministirliqi istiratégiyelik tetqiqat merkizi «SAM» ning bashliqi doktor ufuf ulutash bilen ezerbeyjan pirézidéntliqi xelqara munasiwetler analiz merkizi «AIR Center» ning bashliqi ferid shéfiyéw imza qoydi.

 



مۇناسىۋەتلىك خەۋەرلەر