ezerbeyjan erméniyeni taghliq qarabagh siyasitini tüzitishke chaqirdi

türkiye awazi radiyosi xewiri: amérika qoshma ishtatlirining nyu york shehiride chaqirilghan birleshken döletler teshkilati (b d t) ning 74 – nöwetlik omumi kéngishi bashliqlar yighinida söz qilghan elmar memedyarow, erméniye bilen ezerbeyjan arsidiki hazirghiche hel qilinalmighan taghliq qarabagh mesilisining xelqaraning tinchliq we bixeterlikige xewp yetküzüshni dawamlashturuwatqanliqini éytti.

ötken yilqi omumiy kéngesh yighinliridin buyan taghliq qarabagh mesilisining hel qilinishi yolida héchqandaq ilgirilesh bolmighanliqini bildürgen memedyarow, erméniyening ochuq – ashkara biperwaliqining mesilini hel qilishqa tosalghu boluwatqanliqini tilgha élip ötti.

eriwanning, hem sözliri hem heriketliri arqiliq siyasiy musapini rélisidin chiqiriwetkenlikini, bu mesilige qisqa waqit ichide tinch usulda chare tépish tirishchanliqlirigha buzghunchiliq qilghanliqini eskertken memedyarow, «erméniye, xelqara jemiyetni we öz xelqini qaymuqturush üchün waqit serp qilishning ornigha dawamlashturush mumkin bolmaydighan mewjut haletni dawamlashturushqa xatime bérishi we xelqaradiki mesuliyitini ada qilishi kérek. eriwan, ziyan salghuchi siyasiy pilanigha qanchilik burun xatime berse, xelqlirimizmu tinchliq, muqimliq we hemkarliqtin shunchilik burun paydilinidu» dédi.

u, erméniye rayondiki «düshmenlerche» siyasitige xatime bergen teqdirde, bu siyaset tüpeyli duch kelgen éghir siyasiy, iqtisadiy we ijtimaiy yüktinmu tézla qutulup kétidighanliqini éytti.

erméniye bash ministiri nkol pashinyan bolsa, omumiy kéngeshtiki sözide, ezerbeyjanning yarishishni xalimaydighanliqini ilgiri sürgenidi.