özbékstan bilen tajikstan herbiy manéwir bashlidi
özbékstanning nemengan rayonida özbékstan we tajikstan armiyeliri «2019-merkez» namliq herbiy manéwirni bashlidi.
türkiye awazi radiyosi xewiri: özbékstan dölet mudapie ministirliqi nemengan rayonida bashlanghan «2019-merkez» namliq herbiy manéwir toghrisida bayanat élan qildi.
özbékstan dölet mudapie ministirliqining bayanatigha asaslanghanda, tajikstan chégrasidiki nemengan wilayitige jaylashqan gurumsarayda bashlanghan ortaq herbiy manéwirda, qanunsiz yollar bilen chégradin mexpiy kirgen qoralliq guruhlargha qarshi turushta hemkarliq ornitish meqset qilinidiken.
bu yil ikkinchi qétimliqi ötküzülgen we 100 din artuq özbékstan, tajikstan eskerliri qatnashqan manéwirda, özbékstan armiyesining herbiy aptomobilliri we esliheliri ishlitilidu.
térrorluq guruppilirini bayqash we bir terep qilish üchün ortaq heriket qilish qabiliyiti ashurulidighan bu manéwir, bu hepte axiri axirlishidu.
2017-yili ikki dölet dölet mudapie ministirliqliri otturisida herbiy we herbiy téxnika munasiwetlirini tereqqiy qildurush, birlikte herbiy manéwirlarni ötküzüsh meqset qilinghan hemkarliq kélishimi imzalanghan idi.
مۇناسىۋەتلىك خەۋەرلەر
ezerbeyjanda 5.2 bal yer tewridi
ezerbeyjan yer tewresh mulazimet merkizi yer tewresh heqqide bayanat élan qildi.
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.