qazaqistanning türkistan rayonida partlash yüz berdi

türkiye awazi radiyosi xewiri: qazaqistanning türkistan rayonigha jaylashqan aris shehiridiki bir herbiy oq-dora iskilatida arqa-arqidin partlash weqesi yüz berdi.

bildürülüshiche, partlashtin kéyin etrapqa ot kétip, 16 kishi yarilanghan.

qazaqistan pirézidénti qasim jömerttoqayéw ijtimaiy taratquda élan qilghan bayanatida, partlash keltürüp chiqarghan ziyanning ornini toldurush we kéreklik tedbirlerni yolgha qoyush üchün, dölet mudapie ministirliqi bilen ichki ishlar ministirliqigha perman chüshürgenlikini bildürdi. u: «xelqning bixeterliki kapaletke ige qilinishi we partlashning sewebi éniqlinishi kérek» dédi.

rayonda weqe sewebidin jiddiy halet élan qilindi. sheherning nopusi 43 ming bolup, tarqaqlashturush xizmetliri bashlandi.

qazaqistan dölet mudapie minstiri nurlan yermekbayéw rayonda tekshürüshlerde boldi. muawin dölet mudapie ministiri bakit qurmanbayéw bolsa, ministirliq namida mexsus qurulghan komitétning rayongha ewetilgenlikini we qoralliq qisim xadimlirining neq meydangha yétip bérip jemiyet tertipini qoghdighanliqini eskertip: «xelqning qorqup ketmestin tarqaqlashturush nuqtilirigha bérishini telep qilimiz» dédi.