yayla téghida musulman türk dunyasining uchrishishi ötküzülidu
hatayning yayla téghi nahiyeside 6-7-iyul künliri ötküzülidighan musulman türk dunyasi uchrishish paaliyiti 19 dölettin méhmanlarni kütüwalidu.
türkiye awazi radiyosi xewiri: musulman türk dunyasi munbirining bashliqi ismail yildirim bu heqte yazma bayanat élan qilip, 2018-yili séntebir éyida yayla téghida ötküzülgen «2-qétimiliq musulman türk dunyasi uchrishish paaliyiti» de, minglarche kishini kütüwalghanliqlirini bildürdi.
u ötken yili paaliyet ötküzülgen jaygha yasalghan chongluqi 11 ming 500 kiwadrat métirliq ay yultuzluq meydanning bu yil 12 ming 500 kiwadrat métirgha chongaytilidighanliqini eskertti. u mundaq dédi:
«hatayning yayla téghi nahiyeside 6-7-iyul künliri ötküzülidighan paaliyette 19 dölettin kélidighan méhmanlar kütüwélinidu. paaliyette türk medeniyitini eks ettüridighan her xil senet nomurliri, atqa minish maharetliri, chélishish, oqya étish, mehteran nomurliri we her qaysi türk xelqlirining senet nomurliri körsitilidu. paaliyetning birinchi küni türk dunyasining ghezelliri, ikkinchi künide ashiq sapai nomurliri körsitilidu» dédi.
u musulman türk dunyasining bir yürek bolghanliqini eskertip, otturidiki rishtilerni téximu mustehkemlesh üchün ötküzülidighan paaliyetke pütkül türk dunyasini teklip qilidighanliqlirini qeyt qildi.
مۇناسىۋەتلىك خەۋەرلەر
shiwéytsariyede türk heptiliki paaliyiti ötküzülmekte
shiwéytsariyening jenwe shehiride türk heptiliki paaliyiti ötküzülmekte.