telefer türkmenlirining yurtigha qaytishi dawamlashmaqta

türkiye awazi radiyosi xewiri: türkiyede uda 4 yil turghandin kéyin öz ixtiyarliqi bilen yurtigha qyaytqan teleferlik türkmenler «‹yehyawa› musapirlar lagéri» gha orunlashti.

«‹yehyawa› musapirlar lagéri» ning mesuli shueyb qasapoghlu bu heqte élan qilghan bayanatida, yéqinqi ikki ay ichide texminen 50 teleferlik türkmen ailining iraqqa qaytqanliqini we waqitliq «‹yehyawa› musapirlar lagéri» gha orunlashqanliqini éytti.

musulda térrorluq teshkilati daéshtin azad qilish herikiti jeryanida daésh ezaliri bilen iraq dölet xewpsizlik küchliri otturisida yüz bergen toqunush sewebidin teleferde köp sanda öyning weyran bolghanliqini eskertken  qasapoghlu, shu waqitta öy - makanlirini  terk etkenlerningmu yurtigha qaytmighanliqini qeyt qilish bilen bir waqitta, telefer we bashqa türkmen rayonlirini qaytidin qurup chiqish üchün hökümetning derhal heriketke ötüshi lazimliqini tekitlidi.