babatagh chégra éghizi qaytidin échildi
özbékstan bilen tajikstan otturisidiki «babatagh chégra éghizi» aridin uzun waqit ötkendin kéyin qaytidin ishqa kirishtürüldi.
türkiye awazi radiyosi xewiri: tajikstan chégra qoghdash qismining axbarat ishxanisi babatagh chégra éghizining qaytidin échilghanliqi toghrisida bayanat élan qildi. bayanatqa asaslanghanda, chégra éghizining échilghanliqi munasiwiti bilen murasim ötküzülgen. murasimgha, her ikki döletning nurghun puqraliridin bashqa, özbékstan chégra qoghdash qismining qomandani ruslan mirzayéw, tajikstan chégra qoghdash qismining qomandani rajabali raxmaneli qatnashqan.
murasimda, babatagh chégra éghizi xizmetke kirishtürülgen.
babatagh chégra éghizi tajikstanning hisar we özbékstanning sariasya nahiyelirini bir-birige tutashturidu. tajikstan pirézidénti imameli raxman ötken yili (2018) özbékstanni ziyaret qilghanda, pirézidént shewket mirzayéw bilen körüshüp, babatagh chégra éghizini qaytidin échish toghrisida kélishim imzalighan idi.
ötken yili özbékstan bilen tajikstan otturisidiki «qartepe», «qushkent», «uchturghan», «hawastabad», «bekabad», «pap», «rawat», «gülbahar» tashyoli we «amuzang» tömür yoli qatarliq chégra éghizliri aridin uzun waqit ötkendin kéyin qaytidin xizmetke kirishtürülgen idi.
tajikstan qurmaqchi bolghan hidro éléktir istansisigha özbékstanning qarshi chiqishi sewebidin ikki dölet otturisida ixtilaplar yüz bergen bolup, 2008-2005 –yilliri arisida bezi chégra éghizliri taqalghan idi.
