özbékistan amérika armiye merkiziy ishtab bashliqini kütüwaldi

türkiye awazi radiyosi xewiri: amérika armiye merkiziy ishtab bashliqi joséf wotél paytext tashkentte özbékistan pirézidénti shewket mirziyoyéwni ziyaret qildi.

ete tashkentte ötküzülidighan ottura we jonubiy asiya döletliri armiye bash ishtab bashliqliri yighinigha qatnishish üchün özbékistangha yétip barghan joséf wotél pirézidént mirziyoyéw teripidin qobul qilindi.

uchrishishta mirziyoyéw aldinqi yili ötküzülgen özbékistan – amérika yuqiri derijilik rehberler uchrishishilirining ikki dölet otturisidiki keng dairilik istiratégiyelik shériklikining yéngi pellige qedem qoyushini bashlatqanliqini we amérika armiye merkiziy ishtabi teripidin orunlashturulghan ottura we jonubiy asiya döletliri armiye bash ishtab bashliqliri yighinining hazirqi eng chong mesililerdin birsi bolghan afghanistan meslisige qarita ortaq hel qilish charisi tépish pursiti yaritip béridighanliqini éytti. 

uchrishishta özbékistan bilen amérika otturiisidiki herbiy, téxnika we bixeterlik saheliri buyiche ornitilghan hemkarliqqa alaqidar mesililer muzakire qilindi.

wotél yighinning tashkentte utküzülishige imkan yaritip bergenliki üchün mirziyoyéwgha alahide rexmet éytti.

wetél yighinda ottura asiyada tinchliq we muhimliqni berpa qilishqa dair ijabiy shériklikning tereqqiy qildurulishini meqset qilghan istiratégiye teyyarlighanliqigha ishinidighanliqini tekitlidi. 

wotél uchrishishliri dairiside yene, özbékistan dölet mudapie ministiri bahadir qurbanow bilenmu körüshti. özbékistan herbiy akadémiyesini ziyaret qilip, bir türküm uchrishishlarda boldi.