türkmenler iraq kord rayonluq hökümitide ötküzülidighan yighingha qatnashmaydighanliqlirini bildürdi
türkmenler, kerkük wilayetlik mejlis yighinining iraq kord rayonluq hökümitide ötküzülidighan bolushigha naraziliq bildürdi.
türkiye awazi radiyosi xewiri: iraq türkmen fironti bayanatchisi eli mehdi yazma bayanat élan qilip, ete iraq kord rayonluq hökümitide ötküzülidighan yighinning, kerkük shehirining sirtida ötküzülüshining mejlisning xizmet belgilimisige zit ikenlikini eskertti.
u, kerkük mesilisining kerkükte we kerküklikler arisida hel qilinishi kéreklikini eskertip, mejlistiki türkmen ezalarning sheherning sirtida chaqirilidighan mezkur yighingha ishtirak qilmaydighanliqini bildürdi.
kord partiyelerning buningdin burun bir tereplime halda chiqarghan kerkük toghrisidiki qararlarning kargha kelmigenlikini bildürgen mehdi, oxshash iraq kord rayonluq hökümitide ötküzülidighan yighinningmu ünümsiz axirlishidighanliqini ilgiri sürdi.
bayanatchi eli mehdi yene, baghdad hökümiti we b d t iraq wakaletxanisining kerkük mesilisige mudaxile qilishi kéreklikini eskertti.
