enqerede qirghizistan kültüri tonushturuldi
türkiye sirtidiki türkler we qérindash milletler idarisi bilen qirghizistanning enqerede turushluq bash elchixanisi birlikte enqerede «qirghizistan kültürini tonitish küni» murasimi ötküzdi.
türkiye awazi radiyosi xewiri: türkiye sirtiki türkler we qérindash milletler idarisining hamamönü ishxanisidiki murasimining échilish yighinida, qirghizistanning enqere elchixanisi bash meslihetchisi aybék akayéw, türkiye sirtiki türkler we qérindash milletler idarisi xelqara oqughuchilar bölümi bashliqi ehmet atabash we qirghizistandin kelgen oqughuchilar namidin asilbék abdugheniyéw nutuq sözlidi.
meslihetchi akayéw türkiye qirghizistan pirézidéntliri sayisida özara ziyaretlerning yuqiri örligenlikini éytti.
kültür miraslirining qoghdilinishi jehette ikki dölet otturisidiki hemkarliq üstide toxtilip, «ishinimenki, qérindash türkiye xelqi bilen bolghan munasiwetlirimiz téximu yuqiri sewiyelerge chiqidu» dédi.
qirghiz yazghuchi chinggizaytimatow tughulghanliqining 90 – yili munasiwiti bilen, türkiyede her xil murasimlarning ötküzülgenlikini eskertken akayéw 3 – dékabirda antares soda sariyida resm körgezmisi échilidighanliqini élan qildi.
türkiye sirtiki türkler we qérindash milletler idarisi xelqara oqughuchilar bölümi bashliqi atabashmu bu murasimgha sahibxanliq qilishtin intayin xushalliq hés qiliwatqanliqini bildürüp, oqughuchilargha xitab qilghan halda, «bu yer silerning yurtunglar! silerge her qandaq chaghda kéreklik yardemlerni qilimiz» dédi.
kültürlerni qoghdash we yetküzüshning muhimliqini tekiligen atabash, dunyadiki medeniyet kirizisini hel qilish üchün özara tonushushning muhimliqini tilgha aldi.
türkiye sirtiki türkler we qérindash milletler idarisining xelqara oqughuchilar akadémiyesi pirogramisining bu yil bashlinidighanliqini eskertip, bu arqiliq türkiyede oqughan xelqaraliq oqughuchilarning türkche öginishige we akadémik utuqlarni qolgha keltürüshige hesse qoshushni arzu qilidighanliqini bildürdi.
türkiyening oqush yardem puligha ériship, oqushini dawamlashturuwatqan qirghizistanliq oqughuchilar wekili abdugheniyéw, qirghizistan kültürini tonushturush imkaniyiti yaritip bergenliki üchün, türkiye sirtiki türkler we qérindash milletler idarisigha rehmet éytti.
abdugheniyéw ikki dölet munasiwetlirining dawamliq yaxshi bolup kelgenlikini bildürüp, munasiwetlerning téximu yaxshilinishi üchün türkiyede oquwatqan oqughuchilarning yelkiside chong wezipilirining barliqini jékilidi.
murasimda qirghizistanni tonushturush filimidin bashqa yene, manas dastani, qurmanbék dastani we eneniwiy naxsha-ussullardin serxil nomurlar körsitlidi.
murasimda yene qirghiz tamaqliri we resim körgezmiliri échildi.
مۇناسىۋەتلىك خەۋەرلەر
türkiye qirim tatarliri sürgini we cherkez sürgünini xatirlep bayanat élan qildi
türkiye qirim tatarliri we kawkazdiki qérindash xelqlerning azabini ortaqlishidighanliqini bildürdi.
