türkmenler omumiy xelq itaetsizlik herikiti bashlaydighanliqini bildürdi
türkmen milliyetchiler herikiti bashliqi abbas bayatli namayishta söz qilip, «eger teleplirimiz orundalmaydiken, biz türkmenler omumiy xelq itaetsizlik herikiti bashlaymiz» dédi.
türkiye awazi radiyosi xewiri: iraqning kerkük shehiridiki türkmenler omumiy saylamgha hiyle ishlitilgenlikige qarshi naraziliq namayishi bashlidi we eger telepliri qobul qilinmighan teqdirde, bu naraziliqlarni omumiy xelq itaetsizlik herikitige aylanduridighanliqi heqqide alahide agahlandurush élan qildi.
türkmen milliyetchiler herikiti bashliqi abbas bayatli, iraq saylam koméssarliqi aldida ötküzülgen namayishta söz qilip: «eger teleplirimiz orundalmaydiken, biz türkmenler omumiy xelq itaetsizlik herikiti bashlaymiz» dédi.
abbas bayatli saylam netijisini étirap qilmaydighanliqini tekitlep: «bu gumanliq saylam heqqide inchike tekshürüsh élip bérishni telep qilimiz, eger tekshürüsh élip bérilmaydiken we tashlanghan béletler qol bilen qayta sanalmaydiken, biz saylam netijisini hergiz étirap qilmaymiz» dédi.
iraqning kerkük shehiridiki türkmenler shenbe küni (12-may) ötküzülgen omumiy saylamlardin kéyin, türkmenler eng zich olturaqlashqan rayonlarda tashlanghan béletlerning hiyle– neyreng arqiliq kord partiyelerning hésabigha yézilghanliqi sewebidin namayish bashlighan idi.
