erdoghan özbékstan ziyaritini bashlidi
jumhur reis rejep tayyip erdoghan tashkentte özbékstan pirézidénti shewket mirzayéw teripidin köksarayda kütüwélindi.
türkiye awazi radiyosi xewiri: dölitimiz jumhur reisi rejep tayyip erdoghan özbékstan paytexti tashkentke yétip bardi. rejep tayyip erdoghan bilen mirzayéw ayrim we heyetler ara élip bérilghan körüshüshlerdin kéyin, ikki dölet otturisida tüzülgen kélishimlerning imza murasimigha qatnishidu, arqidin ortaq axbarat élan qilish yighini chaqiridu.
rejep tayyip erdoghan özbékstan parlaméntida nutuq sözleydu, yasli ana we islam kerimow xatire sariyigha gülchembirek qoyidu.
rejep tayyip erdoghan üch künlük özbékstan ziyaritide zich orunlashturulghan pirogrammiliri boyiche heriket qilidu. rejep tayyip erdoghan bilen mirzayéw türkiye-özbékstan soda-sanaetchiler munbirigha qatnishidu. rejep tayyip erdoghan tashkenttiki ziyaritini axirlashturghandin kéyin seyshenbe (1-may) buxaragha baridu.
rejep tayyip erdoghanning özbékstan ziyaritide, bezi ministirlar we nurghun soda-sanaetchiler hemrah boldi.
