chinggiz aytmatow xatirilendi

türkiye awazi radiyosi xewiri: qirghizistanliq meshhur yazghuchi chinggiz aytmatowning aile tawabiatliri we heweskarliri, yazghuchi tughulghanliqining 89-yilliqini bishkektiki ata beyt qebristanliqida xatirilidi. yazghuchining qebre béshida quran tilawet qilinghandin kéyin, her xil gül-chéchekler we gülchembirekler qoyuldi. paaliyette, ölümidin kéyin, muzéyigha almashturulghan yazghuchining öyimu ziyaretke échildi.

chinggiz aytmatow qirghizchining tereqqiyatigha we dunyada tonilishigha chong hessilerni qoshqan idi.

qirghizistan döletlik bilimler akadémiyesimu chinggiz aytmatow tonushturulghan körgezme uyushturdi. paaliyetke, ministirlar we nurghun bilim ademliri qatnashti.

chinggiz aytmatow 1928-yil 12-dékabir qirghizistanning shimaligha jaylashqan talas rayonidiki shéker yézisida dunyagha kelgen. yéziqchiliqni moskwada bashlighan. sabiq sowét ittipdaqida neshr qilinidighan prawda gézitide xizmet qilghan. 1957-yili sowét ittipaqi yazghuchilar jemiyitige eza bolghan. yazghuchining eserliri 150 din artuq tilgha terjime qilinghan bolup, u 1963-yili lénin mukapatigha érishken.

qirghizistan sabiq sowétler ittipaqi parchilinip musteqilliqqe érishkendin kéyin, liyuksémburg, bélgiye we gollandiye qatarliq döletlerde bash elchi bolup wezipe ötigen hemde edebiy ijadiyetler bilenmu shughullanghan. yazghuchi yawropa ittipaqi, nato, b d t maarip, ilim-pen we medeniyet teshkilati (UNESCO) qatarliq teshkilatlarda qirghizistan daimiy wekili bolupmu xizmet qilghan.

chinggiz aytmatow 2008-yili rusiyening bir téléwiziye qanili süretke almaqchi bolghan höjjetlik filim üchün tataristangha barghanda tuyuqsiz börek késili qozghalghan we shu yili 10-iyunda gérmaniyediki dawaliniwatqan doxturxanida alemdin ötken.