türkiyening ashxabad elchixanisi yéngi belgilimiler toghrisida uqturush tarqatti
türkiyening ashxabadtiki elchixanisi türkmenistanda paaliyet qiliwatqan shirket, jemiyet we kishilerni melumatqa ige qilish meqsitide uqturush chiqirip, yéngi belgilimilerni élan qildi.
türkiye awazi radiyosi xewiri: türkmenistan paytexti ashxabadtiki türkiye elchixanisi höjjetlerni testiqlashqa munasiwetlik yéngi belgilimilerni élan qildi. bu yéngi belgilimilerge asaslanghanda, türkiyede teyyarlanghan höjjet-matériyallarning türkmenistanda küchke ige bolushi üchün؛
höjjet-matériyallardiki imza bilen tamghilar, höjjet-matériyallarni teyyarlighan idare yaki organ tewe bolghan waliy mehkimisi teripidin testiqlinishi؛ waliy mehkimisining imza we tamghisi bolsa, türkiye jumhuriyiti tashqi ishlar ministirliqining enqere balgattiki konsulxana idarisi teripidin testiqlinishi؛ eng axirida bolsa, enqerediki türkmenistan elchixanisi yaki türkiyening ashxabadtiki elchixanisi teripidin testiqlinishi kérek iken.
türkiye jumhuriyiti tashqi ishlar ministirliqining imza we tamghisi enqerediki türkmenistan elchixanisi teripidin testiqlanghan ehwalda, türkiyening ashxabadtiki elchixanisining testiqigha kérek qalmaydiken.
türkmenistandin élinip, türkiyede ishlitilidighan höjjet-matériyallarning testiqlinish tertipliridimu buninggha oxshash belgilimiler ijra qilinidiken.
türkmenistanning munasiwetlik idare-organliridin élinghan höjjet-matériyallar, aldi bilen, türkmenistan tashqi ishlar ministirliqi teripidin testiqlinishi؛ arqidin türkmenistan tashqi ishlar ministirliqi testiqlighan höjjet-matériyallardiki imza bilen tamgha, türkiyening ashxabadtiki elchixanisi teripidin testiqlinishi kérek iken.
türkmenche teyyarlanghan höjjet-matériyallar, türkiyening ashxabad elchixanisi étirap qilidighan terjime orunliri teripidin terjime qilinishi we burunqigha oxshash elchixanining testiqlishi kérek iken.
مۇناسىۋەتلىك خەۋەرلەر
ezerbeyjanda 5.2 bal yer tewridi
ezerbeyjan yer tewresh mulazimet merkizi yer tewresh heqqide bayanat élan qildi.
ezerbeyjan – erméniye tinchliq söhbiti bashlandi
ezerbeyjan bilen erméniye otturisidiki tinchliq söhbiti qazaqistanning almata shehiride bashlandi.