aqinji qibrisqa yürgüzülüwatqan asassiz yalghuz qaldurush siyasitige xatime bérilishini telep qildi

türkiye awazi radiyosi xewiri: mustafa aqinji, nyu yorkta b d t  bash katipi antonio gutérrés bilen körüshkendin kéyin bayanat bérip, gutérrés bilen shiwéytsariyediki söhbetler we uningdin kéyinki jeryan toghrisida sözleshkenliklirini bildürdi. u, söhbetlerning waqtining mueyyen, shundaqla ünümni közligen halda élip bérilishi kéreklikini qeyt qildi.

gutérréstin qibris mesilisige biwasite köngül bölüshini telep qilghanliqini bildürgen aqinji, uchrishishta, shimaliy qibris türk jumhuriyitige qaritiliwatqan asassiz yalghuz qaldurush siyasitige xatime bérilishini telep qilghanliqinimu sözlirige ilawe qildi.

u, rim terepning söhbet ötküzüshke teyyar ikenliki toghrisidiki bayanatliri xatiritilgendin kéyin, «yéngidin heriketke ötüsh üchün waqitning muwapiq emeslikini éyttim. bu musapide b d t ning muzakirilerning qaytidin bashlinishini kapaletke ige qilish üchün qedem tashlishini kütmeymen.» dégenlerni qeyt qildi.