özbékistanda ötküzülgen yipek we dora – derman féstiwali axirlashti
özbékistanning buxara shehiride ötküzülgen we türkiyemu qatnashqan 16 – nöwetlik yipek we dora – derman féstiwali axirlashti.
742312
türkiye awazi radiyosi xewiri: sheherning tarixiy rayonida ötküzülgen féstiwalda özbékistanda ishlepchiqirilghan türlük yipek rextler we her xil dora – dermanlar körgezme qilindi.
uda 3 kün dawamlashqan féstiwal dairiside özbékistanning özige xas milliy kiyim – kéchekliri tonushturuldi, sheherning herqaysi jaylirida xelq oyunliri orundaldi, xoraz we qochqar soqushturush tamashisi, darwazliq sorunliri uyushturuldi, eneniwi özbék polosi musabiqisi ötküzüldi, musabiqide ghelibe qilghan usta polo ashpezliri türlük hediyeler bilen mukapatlandi.
tarixiy yipek yoligha jaylashqan buxarada sayahet ishlirini qaytidin janlandurushqa hesse qoshush meqsitide ötküzülgen féstiwal, özbékistandiki dangliq senetchiler orunlighan nomurlar bilen axirlashti.
