xitay hökümiti musulmanlarning yénida tamaka chekmigen memurnimu jazalidi
xitay dairiliri uyghur aptonom rayonida bir dölet memurini «musulmanlarning yénida tamaka chékishtin haya qilghan» dégen eyiblesh bilen jazagha tartti.
türkiye awazi radiyosi xewiri: xitayning uyghur rayonidiki musulmanlargha yürgüzüwatqan bésimliri dawamlashmaqta. bu qétim xitay dairiliri uyghur aptonom rayonida musulmanlarning yénida tamaka chékishtin haya qilghan bir uyghur emeldarini «ashqunluqqa qarshi küreshte boshangliq qilghan» dep eybilep hoquqidin élip tashlidi.
türkiyede chiqidighan «yéngi akit géziti» ning xitay kommunistik partiyesining resmiy axbarat orgini bolghan «yer shari waqti géziti» din neqil keltürülüp élan qilinghan xewiride éytilishiche, mezkur weqe uyghur élining xuten wilayitide yüz bergen.
xutende bir yézining partkom sékrétarliq wezipisini ötewatqan jelil metniyazikki hepte ilgiri diniy zatlarning yénida tamaka chékishtin haya qilghanliqi sewebidinla huquqidin élip tashlandi.
ismini ashkarilashni xalimighan yene bir emeldar weqe heqqide bergen bayanatida: «tamaka chékish-chekmeslik kishilik tallash meslisidur. étiqadliq kishiler bilen adettiki kiishler özara hörmet qilishi lazim. mezkur hoquqidin élip tashlanghan emeldarning qilghinimu uyghur aptonom rayonidiki ashqunluqqa qarshi küresh pirinsiplirigha zit emes idi» dédi.
uyghur rayonida 1-apréldin bashlap ashqunluqning aldini élish, diniy erkinliklerni we paaliyetlerni chekleshni nishan qilghan «esebiylikke qarshi küresh belgilimisi» ijra qilinishqa bashlanghan idi.
