istanbuldiki térrorluq hujumchisining kimliki we ismi éniqlandi

türkiye awazi radiyosi xewiri: türkiyediki «milliyet» qatarliq bir qanchilighan nopuzluq gézitler istanbul wilayetlik saqchi idarisi we istixbarat organlirini menbe körsetken xewiride, istanbuldiki térrorluq hujumchisining kimliki we ismining éniqlanghanliqini ilgiri sürdi.

xewerde munular qeyt qilindi:

yéngi yil kéchisi istanbuldiki réna kéchilik kulubigha hujum qilip, 39 ademning jénigha zamin bolghan térrorchining esli ismi abdulgadir masharipow ikenliki we daéshning ottura asiya qurulmisining özbék tarmaq guruppisigha tewe ikenliki otturigha chiqti.

istanbul ortaköydiki réna kulubida 39 kishinng jénigha zamin bolup, 71 kishining yaridar bolushini keltürüp chiqarghan térrorchining kimliki mueyyenleshti.

qolida qirghizistan pasporti bolghan térrorchining özbikistanda tughulghanliqi, qirghizistanning osh shehiride uniwérsitétta oqughanliqi we daéshning ottura asiya qurulmisigha tewe ikenliki éniqlandi.

saqchilarning qanchilighan kündin buyan térrorchining kimlikini mexpiy tutup, nurghunlighan adrislargha bésip kérip tekshürüsh élip barghanliqi, hujumdin kéyin saqchilarning élip barghan heriketliride daéshning özbék qurulmisining asasen dégüdek tarmar qilinghanliqi bildürüldi.  

«milliyet» gézitining ilgiri sürishiche, saqchilar emdilikte abdulgadir masharipow isimlik özbék térrorchining ötmüshini tekshürmekte iken.