qirim tatarlirining sürgün qilinishining 72 – yilliqi
istanbulda qirim tatarlirining sürgün qilinishining 72 – yilliqini xatirilesh we naraziliq bildürüsh munasiwiti bilen namayish ötküzüldi.
türkiye awazi radiyosi xewiri: bir guruppa türkiye we qirim bayraqlirini kötürgen halda 1944 – yili sabiq sowét ittipaqining qirim tatarlirini sürgün qilishigha naraziliq bildürüsh yüzisidin rusiyening istanbul bashkonsulxanisining aldida namayish ötküzdi.
namayishta sürgün jeryanida shéhit bolghanlar üchün dua qilinghandin kéyin, istiqlal marshi bilen qirim marshi oquldi.
namayishqa ishtirak qilghuchilar ammiwi halda yawropa naxsha - ussul musabiqiside birinchilikke érishken we qirim tatarlirining sürgün qilinishi mezmun qilinghan jemilening «1944» namliq naxshisini éytti.
sürgün we qirim tatarlirining uzungha sozulghan kürishi mezmun qilinghan nutuqlardin kéyin rusiye bashkonsulxanisining aldigha gülchembirek qoyuldi.
kéyinche galatasaray toluq ottura mektipige yétip barghan guruppa bu yerde shamlar arqiliq qirim bayriqi we qirim xeritisini sizdi.
