muweppeqiyet asminida chaqnighan uyghur cholpan

türkiye awazi radiyosi xewiri: her xil sewebler bilen dunyaning herqaysi jaylirida yashawatqan uyghurlar uchqandek tereqqiy qiliwatqan pen – téxnikidin ünümlük paydilinip, nahayiti zor muweppeqiyetlerni qolgha keltürüp, xelqimizni ghayet zor xushalliq tentenisige chömdürmekte. ene shulardin biri, turmushta uchrash éhtimali zor bolghan 10000 gha yéqin soz-ibare we bir qisim jümlilerdin terkib tapqan «shiwétche -uyghurche lughet» ni tüzüp chiqqan uyghur cholpan zulhayattur.

cholpinimiz ammiwi ortaqlishish tor béti Facebook sehipiside élan qilghan bayanatida, özining lughetni tüzüp chiqish meqsitini bayan qilip mundaq deydu: «shiwétsiyede yashawatan uyghur qérindashlirimizning éhtiyajigha asasen kona yéziq we uyghur kompyutér yéziqidiki «shiwétche -uyghurche lughet» tüzüp chiqildi. lughet turmushta uchrash éhtimali zor bolghan 10000 gha yéqin soz-ibare we bir qisim jümlilerdin terkib tapqan bolup, shiwétsiyege makanlishish we xizmet jeryanida sizge yardemchi bolup qalghusi. her birimizning ana tilimizni qoghdash, asrash we tarqitish mejburiyitimiz bar, shu wejidin oz tilimizda tüzülgen bu lughetning kitab ishkabingizdin orun élishini xalisingiz, 22 – féwral künidiki lughet tarqitish paaliyitini qachurmang. bu uchurni shiwétsiyede yashawatqan dostlarning ündidarda we Facebook ta özara tarqitip qoyushini ümid qilimen.»

cholpinimizgha we buningdin kéyinki muweppeqiyet asminida chaqnighusi qanchilighan cholpanlirimizgha zor muweppeqiyet, bext – amet tileymiz. xelqimizge ümid chirighini yandurghusi talant igilirining téximu kop yétiship chiqishigha tilekdashmiz.