tarixtiki bügün: 17 – dékabir

bügün 2020 – yili, 17 – dékabir, peyshenbe.

• 1273 – yili, bügünki künde, büyük mutepekkur, shair we mutesewwip mewlana jalalidin rumi konyada alemdin ötti. eng meshhur esiri «mesnewi» bolghan mewlananing wapati, «wisalgha yétish waqti» dep teswirlengenliki üchün, uning ölüm küni «shebi erus (toy kéchisi)» dep atalmaqta.

• 1760 – yili, bügünki künde, 1479-yili tüzülgenliki éniqlap chiqilghan «azték kaléndari» méksika shehiride tépildi. bir quyash yilini 365 künge ayriydighanliqi üchün, éghirliqi 25 tonna  kélidighan xatire kaléndarining arxéologiye saheside qimmiti nahayiti yuqiridur.

• 1903 – yili, bügünki künde, Wright aka-ukilar tunji moturluq ayropilanni amérika qoshma ishtatlirining shimaliy karolina ishtatida uchurdi. uda 12 sékunt dawamlashqan uchushta, 37 métirliq musape bésip ötüldi. shu küni ishqa ashurulghan axirqi qétimliq sinaqta 59 sékunt hawada turghan ayropilan 280 métir uchti.

• 1980 – yili, bügünki künde, türkiyening sidnéy bash konsuli shariq ariyaq we uning saqchi muhapizetchisi engin sewer , ASALA térrorchiliri teripidin shéhit qilindi.