tarixtiki bügün: 23 – öktebir

bügün 2020 – yili, 23 – öktebir jüme.

• 1956 – yili bügünki künde, wéngiriyede sabiq sowét ittipaqining ishghaliyiti we hökümranliqigha qarshi qozghilang bashlandi. pütün memliketke tarqalghan namayishlarda, sowét eskerlirini chégradin chiqirish telep qilindi. sowét ittipaqi wéngiriyeni ishghal qilishni qararlashturdi, arqidinla qizil armiye paytext budapéshtni qorshawgha aldi. bash ministir imré nagi sowét ittipaqigha qarshi birleshken döletler teshkilatidin yardem telep qildi, emma u kütken yardemge érishelmidi. ishghaldin kéyin, sowét ittipaqi qurghan yéngi wéngiriye hökümiti, bash ministir imré nagi qatarliq 300 din artuq rehber we namayishchigha ölüm jazasi berdi. 1989-yili 100 ming wéngiriyelik nagini xatirilesh murasimigha qatnashti. wéngiriye döliti nagining inawitini eslige keltürdi.

• 1983 – yili bügünki künde, liwanning paytexti béyruttiki amérika we firansiyening tinchliqni saqlash küchi qarargahliri aptomobil bomba hujumlirigha uchridi. hujumlarda, amérika déngiz armiyesi quruqluqta jeng qilghuchi qisimining 241, firansiyening 58 eskiri öldi.

• 2011 – yili bügünki künde, türkiye jumhuriyiti tarixidiki eng chong yer tewresh apetliridin ikkisi, wanda arqa-arqidin meydangha keldi. 6.7 bal chongluqtiki tunji yer tewreshtin 18 kün kéyin, bu qétim 7.2 bal yer tewridi. her ikki qétimliq yer tewreshte 644 adem hayatidin ayrildi, 4 mingdin artuq adem yarilandi. buningdin bashqa yene, wan we etrapidiki nahiyelerde  3000 gha yéqin bina xarabilikke aylandi.