tarixtiki bügün: 12– dékabir

■ 1866 – yili  12 – dékabirda engliye jenubiy yorkshéyrdiki oaks kömür kanlirida partlash yüz bérip, 400 etrapida kanchi jénidin ayrildi.

■ 1870 – yili  12 – dékabirda amérika qoshma ishtatliridiki qulluqqa xatime bergen ichki urushtin 5 yil kéyin, jenubiy karolina ishtati wekillikige saylanghan joséf hraynéy amérika dölet mejlisige kirgen tunji qara tenlik boldi.

■ 1913 – yili  12 – dékabirda parizhdiki lowré muzéyidin 1911 – yili oghrilap kétilgen «mona lisa» may boyaq resimi italiyening filorénsa shehiride tépildi.

■ 1928 – yili  12 – dékabirda dunya edebiyatning katta yazghuchisi chinggiz aytmatow qazaqistanda dunyagha keldi.

■ 1940 – yili  12 – dékabirda natsistlardin qachqan yehudiy köchmenliri olturghan «salwador» namliq paraxot türkiyening siliwri wilayiti déngiz tewelikide qattiq borangha duch kélip quruqluqqa soqulup gherq bolup ketti. paraxottiki 352 yoluchining 219 nepiri gherq bolup yaki tonglap ölüp ketti.

■ 1946 – yili  12 – dékabirda türkiye ikkinchi dunya urushidin kéyin 12 – dékabirdin 18 – dékabirghiche bolghan jeryan «yerlik mehsulat heptisi» dep tebriklinishke bashlandi.

■ 1922 – yili  12 – dékabirda hindonéziyening nusa téggara rayonidiki arallarda 6.8 bal yer tewrep 1490 adem jénidin ayrildi.

■ 2000 – yili  12 – dékabirda amérika qoshma ishtatliridiki chégishliship ketken saylam netijilirige axirqi nuqtini fédératsiye aliy mehkimisi qoydi. filoridada awaz béletlirining qaytidin sanilishini toxtitip qoyghan aliy sot, pirézidéntliq saylimida jumhuriyetchi namzat jorj.w.bushning ghelibe qilghanliqini élan qildi.

■ 2003 – yili  12 – dékabirda ezerbeyjanning 3 – pirézidénti heyder eliyéw amérika qoshma ishtatliridiki bir doxturxanida bu dunya bilen widalashti.

■ 2010 – yili  12 – dékabirda  «altin hizma mülayim» ni öz ichige alghan kerkük naxshiliri bilen nam chiqarghan senetchi abduréhim qizilay bu dunya bilen widalashti.