tarixtiki bügün: 22 – noyabir

bügün 2019 – yili, 22– noyabir, jüme.

• 1906 – yili bügünki künde, bérlinda ötküzülgen xelqara radiyo – télégraf ehdinamisi yighinida, « S.O.S» signali xewplik ishariti süpitide resmiy qobul qilindi.
• 1940 – yili bügünki künde, türkiye hökümiti ikkinchi dunya urushining balqan rayonigha kéngiyip kétishidin kéyin istanbul, kojaeli we trakya wilayetliride «jiddiy halet» élan qildi.
• 1963 – yili bügünki künde, amérika qoshma ishtatlirining 35 – pirézidénti jon f. kénnédi dallas shehiride qoralliq hujumda öltürüldi. shu küni uning yardemchisi lindén jonson amérika qoshma ishtatlirining 36 – pirézidénti süpitide wezipe öteshke bashlidi. kénnédigha suyiqest qilish bilen eyiblinip qolgha élinghan lé harwéy oswaldmu aridin bir kün ötkendin kéyin jak rabi isimlik zorawan teripidin öltürüldi.
• 1968 – yili bügünki künde, türkiyede tunji yürek köchürüsh opératsiyesi enqerede doxtur kamal beyazit teripidin qilindi, biraq «mawish qaraqurt» isimlik bimar opératsiyedin kéyin peqet 18 saetla ömür körelidi.
• 1975 – yili bügünki künde,  ispaniyede  qaytidin monarxiyelik tüzüm  yolgha qoyuldi. don juan karlos ispaniye padishahi boldi.
• 2005 – yili bügünki künde, angéla mérkél parlaméntta ötküzülgen «ishench saylimi» da, bash ministirliqqa saylandi. shuning bilen, u gérmaniyeniing eng yash, tégi sherqiy gérmaniyelik tunji ayal bash ministiri bolup qaldi.
• 2010 – yili bügünki künde, kambodzhada ötküzülgen bir féstiwalda yüz bergen qistangchiliqta 378 kishi öldi, yüzlerche kishi yarilandi.
• 2017 – yili bügünki künde, xelqara jinayi ishlar sot mehkimisi «bosniye jalliti» dep atalghan bosniye – gértségowinaliq sérbiyeliklerning qomandani ratko mladichqa, «srébrénitsa qetliami» ni yürgüzüsh bilen eyiblep, muddetsiz qamaq jazasi berdi.