tarixtiki bügün: 10– noyabir

■ 1938 – yili  10 – noyabirda  türk azadliq urushining bashlamchisi, türkiye jumhuriyitining qurghuchisi we tunji jumhur reisi mustafa kemal atatük, saet 09 din 05 minut ötkende dolmabahche sariyida 57 – yéshida bu dunya bilen widalashti. türkiyede milliy matem élan qilindi. 16 – noyabirda ulugh dahi mustafa kemal atatürkning tawuti türkiye bayriqi yépilghan halette bir üstelge qoyulup, dolmabahche sariyidiki chong murasim zaligha orunlashturuldi. türkiye jumhuriyitining qurghuchisi mustafa kemal atatürkni axirqi qétim körüshni xalighan xelq dolmabahche sariyigha qarap sel bolup aqti.

■ 1953 – yili  10 – noyabirda  wapatidin del 15 yil ötken künde atatürkning jesiti enqerediki qurulushi 9 yil dawamlashqan atatürk xatire sariyigha yötkeldi. murasimgha jumhur reis jelal bayar bilen birlikte on minglarche türkiye puqrasi qatnashti. heshemetlik murasimgha ishtirak qilish üchün chet ellerdinmu köp sanda dölet erbabi enqerege keldi.

■ 1965 – yili  10 – noyabirda  xitayda maw zédong dewrining simwoligha aylanghan, minglarche insanning ölümi bilen axirlashqan «medeniyet inqilabi» bashlidi.

■ 1970 – yili  10 – noyabirda  sowét ittipaqining ay alem kémisi lunoxod 1 alem boshluqigha qoyup bérildi. bu dunyaning sirtida turup tizginek bashqurulidighan tunji kéme  bolup hésablinidu.

■ 1989 – yili  10 – noyabirda  dölitide türklerge salghan zulumliri bilen pütkül dunyaning naraziliqini qozghighan pirézidént todor jiwkow wezipisidin istépa bérishke mejbur bolup qaldi.

■ 1996 – yili  10 – noyabirda  enqerede toplanghan on minglarche kishi wapatining 58 – yili atatürkke minnetdarliqini bildürüsh üchün atatürk xatire sariyigha qarap yürüsh qildi. atatürk xatire sariyigha bérip, uning meniwi huzurigha chiqqanlarning sani 1 milyondin éship rékort yaritildi. atatürk xatire sariyi rehberliki, ziyaretchilerning köplükini nezerde tutup, tunji qétim kéchisimu ziyaret qilishqa ruxset qildi.