tarixtiki bügün: 17– öktebir
bügün 2019 – yili 17 – öktebir - peyshenbe, töwende ilker tashqin teripidin teyyarlanghan «tarixtiki bügün» namliq pirogrammini diqqitinglargha sunimiz.
■ 1448 – yili 17 – öktebirde osmanli qoshuni ikkinchi qétimliq kosowo urushida köp sanliqi wéngirlardin teshkil tapqan ehli selp qoshunini meghlup qildi.
■ 1777 – yili 17 – öktebirde amérika eskerliri engliyeliklerni saratoga jéngide meghlup qildi. bu ghelibidin kéyin firansiye, ispaniye we gollandiye engliyege qarshi amérika qoshma ishtatlirining sépidin orun élip jengge qétildi.
■ 1933 – yili 17 – öktebirde albért éynishtéyn natsist gérmaniyesidin köchmen bolup amérikigha bardi.
■ 1938 – yili 17 – öktebirde késili xélila éghirliship qalghan mustafa kemal atatürkning salametlik ehwali toghrisida tunji «resmiy uqturush» élan qilindi.
■ 1961 – yili 17 – öktebirde firansiye saqchiliri, döletlirining musteqilliqini telep qilip parizhda namayish ötküzgen aljiriyeliklerge hujum qildi. tarix sehipiliridin «parizh qetliami» dep nam alghan weqede 400 aljiriyelik öltürüldi. bezi namayishchilarning jesetliri séiné deryasidin süzüwélindi.
■ 1973 – yili 17 – öktebirde yershari xaraktérlik néfit kirizisi yüz berdi. néfit éksport qilghuchi döletler teshkilati – opék, bezi gherb döletlirige israiliye – süriye urushida israiliyege yardem qilghanliqini otturigha qoyup néfit émbargosi yürgüzüshke bashlidi. 10 ereb döliti néfit bahasini %70 östürüp, néfit ishlepchiqirishini her ay %5 azaytishni qarar qildi.
■ 2001 – yili 17 – öktebirde israiliye bilen pelestinning tinchliq ornitishigha qarshi chiqqan milliy birlik partiyesi bashliqi réhawam zééwi qoralliq hujumgha uchrap öltürüldi. hujumning jawabkarliqini pelestin xelq azadliq fironti üstige aldi.
■ 2016 – yili 17 – öktebirde musulni daésh térrorluq teshkilatidin qutuldurush üchün iraq armiyesi 30 ming esker bilen herbiy heriket bashlidi.
■ 2018 – yili 17 – öktebirde türkiyening dunyagha dangliq foto – süret senetchisi ara güler alemdin ötti.
مۇناسىۋەتلىك خەۋەرلەر
tarixtiki bügün: 31 – dékabir
ilker tashqin teripidin teyyarlanghan «tarixtiki bügün» namliq pirogrammimiz huzurunglarda...