türkiye putbol komandisi utturup qoydi
2024-yilliq yawropa longqisi teyyarliqliri ramkisida, tünügün (10-iyun) warashawadiki narodowi tenterbiye meydanida, polsha komandisi bilen türkiye putbol komandisi otturisida ötküzülgen dostluq musabiqiside, türkiye komandisi utturup qoydi.
türkiye awazi radiyosi xewiri: tünügün türkiye-polsha putbol komandiliri otturisida 2024-yilliq yawropa longqisi teyyarliqliri ramkisida ötküzülgen dostluq musabiqiside, türkiye komandisi 2 ge qarshi 1 netije bilen utturup qoydi.
polsha komandisining mahiri swidérski musabiqe bashlinip 12 minut ötkende, türkiye komandisining waratasigha bir top kirgüzüp, netijini 0 ge qarshi 1 ge chiqardi. musabiqining 77-minutida, türkiye komandisining mahiri barish alper yilmaz qarshi terepning waratasigha bir top kirgüzüp, netijini 1-1 tengleshtürdi. emma, 90-minutta polsha komandisining mahiri swidérskining yene bir top kirgüzüshi bilen, türkiye komandisi musabiqini 2 ge qarshi 1 netije bilen axirlashturghan boldi.
2024-yilliq yawropa longqisida, türkiye, portugaliye, giruziye we chéxiye F guruppisida, polsha, gollandiye, firansiye we awstiriye D guruppisida musabiqige chüshidu.
türkiye komandisi yawropa longqisi F guruppisidiki tunji musabiqisini 18-iyun (2024) seyshenbe küni giruziye komandisi bilen bashlaydu.
