yépek yoli rallisining mahirliri wéngiriyede uchrashti
dunyadiki aldinqi qatardiki aptomobil yighilishlirining biri bolghan yawropa-sherq / sherq-gherb dostluq ralli musabiqisining yéngi békiti bolghan yipek yoli rallisi bashlandi.
türkiye awazi radiyosi xewiri: yawropadiki alte dölettin kelgen 40 mahirning qatnishishi bilen, türkiyedin ötüp mongghuliyege baridighan yipek yoli ralléy musabiqisining bir qismi süpitide, 19-awghust gérmaniye, awstiriye we italiyedin yolgha chiqqan mahirlar 20-awghust wéngiriyede uchrashti.
16-séntebir (2023) giche 11 ming kilométir musapini bésip ötidighan bu yighilish sérbiye, bulghariye, türkiye, iran, ezerbeyjan, özbékistan, qirghizistan, qazaqistan we uyghur rayonidin ötüp mongghuliyede axirlishidu.
sherqiy gherb dostluq we tinchliq ralli jemiyitining reisi nadir sérin yawropa parlaméntida (AP), bu yighilishning muhim nishanlirining birining türkiyeni tonushturush ikenlikini éytqan idi.
u: «bu yighilishni türkiyeni tonushturush dairiside teshkillewatimiz, mahirlarning hemmisi dégüdek chet ellik, ular bu yil alte dölet qatnashti, biz 20 aptomobil we 40 adem bilen yolgha chiqimiz. musabiqige qatnashquchilar türkiyede körgen méhmandostluq sewebidin dölitige qaytqandin kéyin bizning pidaiy bash elchilirimiz bolidu. sherq we gherb medeniyiti otturisida köwrüklük rol oynash, bolupmu yawropada urush dawamlishiwatqan bir waqitta téximu muhim. yipek yoli rallisi anadoludin ötüp, donay deryasini orxun wadisigha tutashturidu. biz bu aptomobillarni bulturqi tunji qétimliq yighilishtikige oxshash, bu yilmu eng axirqi béketke iane qilimiz» dégenidi.
