türkiyelik oqughuchilar olimpik tenheriket musabiqiliride nurghun médalgha érishti

türkiye awazi radiyosi xewiri: türkiye jumhuriyiti sanaet we téxnologiye ministirliqining bayanatigha qarighanda, yaponiyening chiba shehiride ötküzülgen, 112 dölettin 623 oqughuchi qatnashqan 64-nöwetlik xelqaraliq matématika olimpik tenheriket musabiqiside, türkiyedin mehmet jan bashtemir altun médalgha, barish qoyunju, shewket onur yilmaz, melek güngör, serdar bozdagh we xaqan gündoghan kümüsh médalgha érishken.

ereb birleshme xelipilikining el eyn shehiride ötküzülgen, 80 dölettin 320 oqughuchi qatnashqan 34-nöwetlik xelqara biyologiye olimpik tenheriket musabiqiside,  türkiyedin xelil eren uyar, erdem yamalioghlu, tolga tabanli kümüsh, kerem aydin mis médalgha érishken.

türkiye sanaet we téxnologiye ministiri mehmet fatih qachir bu heqte élan qilghan bayanatida, türkiyelik oqughuchilarning xelqara matématika olimpik musabiqiside tarixiy utuqqa érishkenlikini, shuning bilen, türkiyening 112 dölet ichide 8-rettin orun élishida muhim rol oynighanliqini tekitlep mundaq  dégen: «bu netije sayisida, matématika olimpik musabiqisi tarixida ikkinchi qétim hel qilghuch muweppeqiyetke érishtuq.»

ministir qachir olimpik tenheriket musabiqilirige qatniship, türkiyege zor shan - sherep keltürgen barliq oqughuchilarni, ularning aile tawabiatlirini, oqutquchilirini we bu heqte zor töhpilerni qoshqan bashliq kishilerni tebrikligen, hemde ularning dawamliq muweppeqiyet qazinishigha tilekdashliq bildürgen.