maykél jordanning ayighi 2 milyon 200 ming dollargha sétildi
dunyagha dangliq waskétbol mahiri maykél jordanning kimartuq qilip bazargha sélinghan tenheriket ayighi 2 milyon 200 ming dollargha sétilip rékort yaratti.
türkiye awazi radiyosi xewiri: maykél jordanning Sotheby kimartuq qilip sétish sariyi teripidin ikki milyon dollar bilen töt milyon dollar ariliqida sétilishi mumkin dep mölcherlengen tenheriket ayighi, kimartuq qilip sétish paaliyitide sétilghan eng qimmet buyumlarning biri bolup qaldi؛ ayagh 2 milyon 200 ming dollargha sétildi.
uning ayaghlirining buningdin ilgiriki rékort bahasi 1 milyon 470 ming dollar idi.
waskétbol mahiri maykél jordanning NBA (amérika waskétbol birleshmisi)ning 1998 – yilliq hel qilghuch musabiqide kiygen bir formisi ötken yili 10 milyon 100 ming dollargha sétilghanidi.
jemiy alte qétim NBA chémpiyonluqini, ikki qétim olimpik altun médalini we bashqa nurghun mukapatlarni qolgha keltürgen maykél jordan, tarixtiki eng meshhur tenheriketchilerning biri dep qarilidu.
